Zohida Umarova kenja qiziga nima sababdan Madlen ismini qo‘ygani haqida so‘zlab berdi

^{Foto: YouTube}
Xonanda Zohida Umarova qizi Madlen Sharipova bilan “Mening yurtim” telekanalining “Omon-omon” ko‘rsatuviga intervyu berdi. Ushbu intervyu davomida Zohida Umarova qizining ismi tarixini so‘zlab berdi.

— "Madlenga homiladorman, 8 oylik edi. O‘shanda yurtimizga AQSH davlat maslahatchisi Madlen Olbrayt xonim keldilar. Yaxshi bitimlar imzolangan haqidagi xabarlarni ko‘rib o‘tiribman. O‘shanda ichimdagi bola rosa qattiq qimirladi. Farzandim qizligini bilaman, unga albatta Madlen deb ism qo‘yaman, degan qarorga keldim", deydi Zohida Umarova

— "Adashib ko‘pincha meni Madina deb chaqirishadi. Jahlim chiqadi, meni unaqa deb chaqirmanglar, men Madlenman deyman", deydi Madlen Sharipova.

Bir necha kun avval ijtimoiy tarmoqlarda Yorqinxo‘ja Umarovning divan ustida o‘mbaloq oshayotgani aks etgan videosi tarqalgan hamda foydalanuvchilarning keng muhokamalariga sabab bo‘lgan edi. Zohida Umarova ushbu video ostiga negativ yozayotganlarga murojaat qildi.

— "Yorqinxo‘janing yili maymun. Aziz odamlar, hammani boricha qabul qiling. Nimaga u kimgadir o‘xshashi kerak? U shunday tug‘ildi va shunday tarbiyalandi. U sizga fosiqlik qilmayapti, dilozorlik qilmayapti. U qo‘shiqlar kuylab, kayfiyatingizni ko‘taryapti, tanqid yomon narsa", deydi Zohida Umarova. “Zamin” yangiliklarini “Instagram”da kuzatib boring