Toshkentda tilanchilik uchun o‘zining 10 yoshli o‘g‘lidan foydalangan erkak qamaldi

^{Kadr: Telegram}
Toshkent shahar Sergeli tumanida tilanchilik uchun o‘zining 10 yoshli o‘g‘lidan foydalangan erkak qamaldi. Bu haqda IIBB xabar berdi.

Keltirilishicha, erkak o‘zining o‘n yoshli farzandini ko‘chaga tilanchilik uchun chiqarib, kuzatib turgan vaqtida xodimlar tomonidan ichki ishlar bo‘limiga olib ketilgan.

“O‘g‘lim tilanchilik qilgan. Holat boshqa takrorlanmaydi”, deydi ota.

Ushbu shaxsga nisbatan Jinoyat ishlari bo‘yicha Sergeli tuman sudi tomonidan o‘n sutka ma’muriy qamoq jazosi, BHMning bir barobari miqdorida jarima jazosi tayinlandi.
“Zamin”ni Telegramʻda oʻqing!