Green Card uchun onlayn ro‘yxatdan o‘tish 2 kunga uzaytirildi

^{Foto: Getty Images}
AQSH Davlat departamenti Green Card yoki Diversity Visa Program (DV-2026) dasturi bo‘yicha onlayn ro‘yxatdan o‘tish muddatini 7 noyabrgacha uzaytirdi.

Qayd qilinishicha, arizalar 7 noyabr kuni Sharqiy standart vaqt bilan soat 12:00 gacha (Toshkent vaqti bilan 7 noyabr kuni 22:00 gacha) topshirilishi mumkin.

DV-2026 lotereyasi natijalari 2025 yil 3 mayda e’lon qilinadi.

Green Card lotereyasi AQSHda 1990 yilgi immigratsiya to‘g‘risidagi qonunga asosan ishlab chiqilgan loyiha hisoblanadi. Bu lotereya g‘oliblari AQSHda qonuniy yashash va ishlash huquqini beruvchi vizaga ega bo‘ladi. Lotereyani o‘tkazish, g‘oliblarni aniqlash va ularga viza berish bilan Davlat departamenti shug‘ullanadi.

Har yili taxminan 55 mingta vizaga ega chiqish uchun butun dunyo bo‘ylab 20 milliondan ko‘proq odam ariza topshiradi. Odatda g‘olib sifatida qayd etilgan ariza beruvchilarning 50 foizdan ko‘prog‘i viza bo‘yicha intervyudan o‘tgan taqdirdagina viza oladi. “Zamin” yangiliklarini “Youtube”da kuzatib boring