Foto: Prezident matbuot xizmati
O‘zbekiston prezidenti Shavkat Mirziyoyev 19 noyabr kuni Oliy Majlis Senatining yangi chaqiriqdagi ilk yalpi majlisida ishtirok etmoqda. Davlat rahbari yuqori palata a’zosi etib saylanganlarni tabrikladi.
Mirziyoyev o‘z nutqida aytishicha, senatorlarning har 3 nafaridan biri ilmiy darajaga ega. Qariyb 27 foizi yoki 16 nafari – xotin-qizlar. Bu – oila, onalik va bolalik, xotin-qizlar huquqlarini himoya qilish, umuman, ijtimoiy masalalar bo‘yicha qonunchilik faoliyati hamda parlament nazoratini kuchaytirishda muhim ahamiyat kasb etadi, dedi prezident.
Davlat rahbarining so‘zlariga ko‘ra, bo‘lib o‘tgan saylovlar “mahalliy kengashlar faoliyatida ham yangi davrni boshlab bermoqda”.
Mahalliy kengashlar tarkibi qariyb 60 foizga yangilanib, 3 mingdan ortiq o‘zbekistonlik ilk bor deputat bo‘lgan. Kengashlarda ayol deputatlar ulushi 32 foizga yetgan, 30 yoshgacha bo‘lgan deputatlar soni 3,5 karra oshgan. Bu – Senat faoliyatini endilikda yangicha yondashuv va qarashlar asosida tashkil etishda muhim rol o‘ynashi aytildi.
Shavkat Mirziyoyev yuqori palataning avvalgi tarkibi faoliyatini e’tirof etdi.
“Ayniqsa, ayollar huquqlarini ishonchli ta’minlash, xotin-qizlar va bolalarni zo‘ravonlikdan himoya qilish masalalarida Senat alohida faollik ko‘rsatdi.
Oxirgi besh yilda yuqori palata tomonidan 106 marta hisobotlar eshitildi, ijro organlariga 1 ming 300 ta so‘rov kiritildi.
Parlamentning xalqaro maydondagi nufuzi ham sezilarli darajada oshib bormoqda. O‘tgan davrda xorijiy davlatlar bilan parlamentlararo do‘stlik guruhlari soni 26 tadan 73 taga yetdi”, – dedi prezident.
“Konstitutsiya yangilanishi bilan, Senat tarkibi ixchamlashib, uning a’zolari soni 100 nafardan 65 nafarga qisqardi. Ayni vaqtda senatorlarning vakolatlari va mas’uliyati bir necha barobar oshdi. Xususan, yuqori palataning parlament nazorati va bir qator muhim davlat organlarini shakllantirishdagi ishtiroki sezilarli ravishda kengaytirildi.
Ilgari senatorlar nazorat tadbirlarida yoki saylovchilar bilan uchrashuvlarda qonunlarda aniqlangan muammolarni hal etish bo‘yicha aniq vakolatga ega emas edi. Yangilangan Konstitutsiyada Senatga qonunchilik taklifini kiritish huquqi berilishi bilan masala o‘z yechimini topdi.
Prezident yangi saylangan senatorlarimiz endi bu jarayonlarda faol bo‘lishiga ishonch bildirdi”, – deyiladi rasmiy relizda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Apple dongdor ikki ayfonini rasman eskirgan deb e’lon qildi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Omega-3 qanday qilib ozishga yordam beradi?
Xatolar va mag‘lubiyatlar... ular kechiriladimi?
Endi operatsiyadan so‘ng kesmalar o‘rni ikki barobar tezroq bitishi mumkin
Donald Tramp 27 yoshli Karolin Levittni Oq uy matbuot kotibi etib tayinlamoqchi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
