Primorsk o‘lkasi O‘zbekiston bilan turizm sohasida hamkorlikni yanada kengaytirmoqchi

^{O‘zbekiston va Rossiyaning Primorsk o‘lkasi turizm sohasidagi hamkorlik istiqbollarini muhokama qildi
© Turizm qo‘mitasi}
Primorsk o‘lkasi O‘zbekiston bilan turizm sohasida hamkorlikni yanada kengaytirmoqchi, deya xabar berdi Turizm qo‘mitasi.
“Ipak yo‘lida turizm” 29-Toshkent xalqaro turizm yarmarkasi doirasida Turizm qo‘mitasi raisi Umid Shadiyev Rossiya Federatsiyasining Primorsk o‘lkasi gubernatori, prezident huzuridagi Turizm kengashi raisi Oleg Kojemyako bilan uchrashdi.

Uchrashuvda tomonlar turizm sohasida olib borilayotgan hamkorlik istiqbollari va rejalashtirilgan ishlarni atroflicha muhokama qilindi.

“Kojemyako oxirgi yillarda O‘zbekistonda turizm sohasida kuzatilayotgan ulkan tizimli o‘zgarishlarni yuqori baholab, Rossiya, jumladan, Primorsk o‘lkasida, bu yo‘nalishda o‘zaro hamkorlikni yanada kengaytirishga ishtiyoq va qiziqish yuqoriligini qayd etdi”, — deyiladi xabarda.

Shuningdek, Primorsk o‘lkasi va O‘zbekiston o‘rtasida turizm sohasida hamkorlikni rivojlantirish va turistlar oqimini ko‘paytirishga keng imkoniyatlar mavjudli qayd etildi. “Zamin” yangiliklarini “Telegram”da kuzatib boring