Toshkent shahrida Captiva avtomobili yonib ketdi

^{Foto: Kadr: Telegram}
Toshkent shahar Favqulodda vaziyatlar boshqarmasi Yangihayot tumanida yonib ketgan avtomobil toʻgʻrisida ma'lumot berdi.

Qayd etilishicha, 18 yanvar kuni soat 15:38 da Yangihayot tumani Sofdil koʻchasida joylashgan avtoturargohda avtomobil yonayotgani toʻgʻrisida Toshkent shahar FVBga xabar tushgan.

Shunga koʻra, yongʻin-qutqaruv texnikalari aytilgan manzilga soat 15:43 da etib borgan va yongʻin soat 15:51 da oʻchirilgan.

Ta'kidlanishicha, yongʻin oqibatida halok boʻlgan va jabrlanganlar yoʻq.

«Hozirda yongʻin sababi va keltirilgan moddiy zarar miqdori aniqlanmoqda», — deyiladi xabarda. “Zamin” yangiliklarini “Telegram”da kuzatib boring