Toshkentda AQShga yuborish evaziga 20 ming dollar olgan shaxslar ushlandi

Toshkent shahrida noqonuniy yoʻllar bilan AQShga ishga yuborishni va'da qilgan shaxslar ushlandi, deb xabar beradi Bosh prokuratura huzuridagi departament.

^{Foto: Bosh prokuratura}
Qayd etilishicha, departamentning Uchtepa tumani boʻlimi, DXX va IIB xodimlari hamkorligida tezkor tadbir oʻtkazilgan. Tadbirda S.Gʻ. ismli shaxs fuqaro D.S.ni goʻyoki yuqori lavozimda ishlovchi tanishlari orqali AQShga yuborishi va u erda ish bilan ta'minlashi evaziga tanishi A.A. orqali 20 ming dollarni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda. “Zamin” yangiliklarini “Telegram”da kuzatib boring