Qashqadaryo viloyatidagi "zapravka"da ikkita sisterna yonib ketdi

Favqulodda vaziyatlar vazirligi Qashqadaryoda sodir bo‘lgan yong‘in yuzasidan ma’lumot berdi.

Qayd etilishicha, 10 mart kuni Qashqadaryo viloyati, Kasbi tumani, Do‘stlik MFY hududida joylashgan yoqilg‘i quyish shoxobchasining hovlisida joylashgan ikkita 9 tonnali sig‘im yongan.

Voqea joyiga qutqaruv xizmatidagi to‘rtta yong‘in qutqaruv bo‘linmalari soat taxminan 22:04 da yetib borib, soat 22:33 da yong‘inni to‘liq o‘chirgan.

Yong‘in oqibatida ikki nafar fuqaro kuyish tan jarohatini olgan. Hozirda ularning ahvoli yaxshi.

«Yong‘in sababi va zarariga aniqlik kiritilmoqda», — deyiladi xabarda.

Foto: FVV matbuot xizmati “Zamin” yangiliklarini “Telegram”da kuzatib boring