Shavkat Mirziyoyev: Ukraina masalasini tinch yo‘l bilan hal etishni qo‘llab-quvvatlaymiz

4 aprel kuni Samarqand shahrida O'zbekiston Prezidenti Shavkat Mirziyoyev “Markaziy Osiyo — Yevropa Ittifoqi” birinchi sammitini ochish so'zi bilan rasmiy ravishda boshlab berdi, deb president.uz xabar berdi.

Prezident nutqining boshida sammit dunyodagi oldindan bashorat qilib bo'lmaydigan global jarayonlar fonida o'tayotganini ta'kidladi.

«Bizning uchrashuvimiz jadal va oldindan bashorat qilib bo'lmaydigan global jarayonlar sharoitida o'tmoqda. Biz geosiyosiy ziddiyatlar, xavfsizlik muammolari, mintaqaviy mojarolar hamda barqaror taraqqiyotga tahdidlarning kuchayishiga guvoh bo'lmoqdamiz.

Hech bir mintaqa keng xalqaro hamkorliksiz bu kabi murakkab masalalarni yolg'iz hal eta olmaydi», dedi Prezident.

Shu munosabat bilan u Markaziy Osiyo va Yevropa Ittifoqi an'anaviy sheriklar ekanini va o'zaro hamkorlikka talab ortib borayotganini qayd etdi. Shuningdek, O'zbekiston xalqaro huquq tamoyillariga sodiqligini bildirdi.

Mirziyoyev Ukraina atrofidagi vaziyatni tinch yo'l bilan hal etishga qaratilgan muzokaralarni olqishlashini va qo'llab-quvvatlashini bildirdi.

«Albatta, oldinda murakkab va yechimi oson bo'lmagan masalalar turibdi. Biroq biz diplomatik sa'y-harakatlar va siyosiy yechimlardan boshqa yo'lni ko'rmayapmiz», dedi Prezident. “Zamin” yangiliklarini “Telegram”da kuzatib boring