“Andijon muzqaymog‘i” sanitariya talablariga javob bermadi

Toshkent shahri Mirabad tumanida sanitariya-epidemiologiya xizmati xodimlari tomonidan sertifikatsiz “Andijon muzqaymog‘i” mahsuloti aniqlanib, 45 kilogramm hajmda musodara va yo‘q qilindi, deb upl.uz xabar berdi.

Mirabad tuman hokimligi ma’lumotiga ko‘ra, reyd 31-sonli umumta’lim maktabi yaqinida o‘tkazilgan. Mahsulot iste’molchilarga salbiy ta’siri bo‘lishi mumkinligi alohida qayd etilgan.

Mutasaddilar aytishicha, “Andijon muzqaymog‘i” ko‘p hollarda sanitariya me’yorlari va gigiyena qoidalariga rioya qilinmagan holda ishlab chiqariladi va saqlanadi. Bundan tashqari, mahsulotning tarkibi noma’lum.