“Sen yolg‘iz emassan” xayriya jamg‘armasi o‘z faoliyatini boshlaganiga 14 yil to‘ldi. Shu munosabat bilan jamg‘arma raisi Lola Karimova-Tillyaeva Facebook ijtimoiy tarmog‘idagi sahifasida xayriya tashkilotining 14 yil davomida erishgan yutuqlari borasida o‘z fikrlarini bayon qildi, deya xabar bermoqda Sof.uz sayti.
Lolaning aytishicha, “Sen yolg‘iz emassan” xayriya tashkiloti faoliyati davomida o‘z yo‘nalishi bo‘yicha ulkan ishlarni amalga oshirgan.
Xususan, shu kunga qadar “Sen yolg‘iz emassan” xayriya jamg‘armasi Respublika bolalar ijtimoiy moslashuvi markazi bilan hamkorlikda 15000 dan ortiq bolajonlarning davolanishida ko‘makdosh bo‘lgan.
Shuningdek, jamg‘arma Respublika bolalar ijtimoiy moslashuvi markazidagi imkoniyati cheklangan bolajonlar uchun aravachalar, turli protez va eshitish apparatlarini xarid qilishda o‘z hissasini qo‘shgan
Xayriya jamg‘armasi tomonidan qurib bitkazilgan va qayta ta’mirlangan Mehribonlik uylarida xalqaro standartlar asosida jihozlangan tibbiy bloklar tashkil etilib, ularda bolalarga yuqori malakali tibbiy xodimlar tomonidan profilaktik va terapevtik yordam ko‘rsatiladi.
“Sen yolg‘iz emassan” xayriya jamg‘armasi amalga oshirgan ezgu ishlarni aytib o‘tishi barobarida Lola Karimova-Tillyaeva quyidagi fikrlarni ham bildirdi:
“Jamoamiz o‘zining fidokorona va jonkuyar mehnati ila qiyin ahvolda qolgan ko‘plab bolalarning hayotini yaxshilashda salmoqli natijalarga erishgani bilan faxrlanaman.
Bizning kelajakdagi rejalarimiz bisyor. O‘zbekistondagi ota-ona mehridan bebahra qolgan va imkoniyati cheklangan har bir bola yolg‘iz emasligini, biz uning kamol topishi va baxtu-saodati yo‘lida qo‘limizdan kelgancha harakat qilishimizni bilishini astoydil istayman”, deb yozadi Lola Karimova-Tillyaeva.
Ma’lumot o‘rnida, “Sen yolg‘iz emassan” xayriya tashkilotiga 2002 yilda asos solingan bo‘lib, uning asosiy vazifasi boquvchisini yo‘qotgan va imkoniyati cheklangan bolalarga har tomonlama yordam berishdir. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Har payshanba jismoniy tarbiya va sport kuni sifatida belgilanadi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Husiylar Isroil aviabazasiga gipertovushli raketa bilan zarba berdi
