Toshkent shahridan Seul shahriga yo‘nalgan samolyot uchib ketish aerodromiga qaytarildi. Uzbekistan Airways ma’lum qilishicha, qo‘shimcha texnik tekshiruv (diagnostika) zarurati tufayli 29 avgust kuni amalga oshirilishi rejalashtirilgan HY513 Toshkent—Seul reysi kechiktirilgan holda bajariladi. Havo kemasi to‘liq xavfsizlik va yo‘lovchilar uchun qulaylikni ta’minlash maqsadida start bergan aeroportga qaytarilgani ta’kidlandi.
30 avgust holatiga ko‘ra yangilangan jadval
HY513 Toshkent—Seul
— Toshkentdan uchish: 03:00
— Seulga yetib borish: 13:00
HY514 Seul—Toshkent
— Seuldan uchish: 14:05
— Toshkentga yetib kelish: 17:15
Aviatashuvchiga ko‘ra, xavfsizlik birinchi o‘rinda, shu bois parvoz rejasidagi ushbu o‘zgarishlar yo‘lovchilar manfaati va parvoz barqarorligi uchun amalga oshirildi. Reyslar bo‘yicha yangilanishlarni rasmiy manbalar orqali kuzatib borish tavsiya etiladi.
