Farg'ona viloyati So'x tumanida mahalliy sud bir ayolga nisbatan jinsiy tazyiq qilganlikda ayblangan erkakka hukm chiqardi. Bu haqda O'zbekistonda ayollar va bolalarga qarshi zo'ravonlikka qarshi kurashga qaratilgan "Nemolchi.uz" loyihasi xabar berdi.
Hodisa 2025-yil 23-oktabr kuni sodir bo'lgan. 23 yoshli U.
Yu. bozorda tanishini uchratib, uni uyiga yetkazib qo'yishni taklif qilgan.
Yo'l davomida erkak ayolga nisbatan nomunosib gaplar aytib, uning tashqi ko'rinishi haqida gapirgan va unga tazyiq ko'rsatgan. Sud majlisida U.
Yu. o'z aybini to'liq tan olgan, qilgan ishidan afsusda ekanini bildirgan va suddan jazoni yengillashtirishni so'ragan.
24-oktabr kuni So'x tumani Jinoyat ishlari bo'yicha sudi ushbu ishni ko'rib chiqib, O'zbekiston Respublikasi Ma'muriy javobgarlik to'g'risidagi kodeksining 41-1-moddasi (Jinsiy tazyiq) bo'yicha erkakni ma'muriy huquqbuzarlik sodir etganlikda aybdor deb topdi va unga 5 sutka ma'muriy qamoq jazosi tayinladi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
