11:52 / 27.01.2017
7 484

Toshkentda o‘z uyida propiskasiz yashayotgan 237 nafar ayolning muammolari hal etildi

Toshkentda o‘z uyida propiskasiz yashayotgan 237 nafar ayolning muammolari hal etildi

Toshkent shahar va tuman xotin-qizlar qo‘mitalari tomonidan aniq va maqsadli tizim yaratilib, bu tizimda bir qator davlat va jamoat tashkilotlari bilan hamkorlikda amaliy ishlar tashkil etildi. Bu haqda Toshkent shahar hokimi o‘rinbosari, Xotin-qizlar qo‘mitasi raisi «F. Abdurahimova»ga asoslanib «Daryo» nashri xabar bermoqda.

Oilalarda ajrimga sabab bo‘luvchi 7 ta asosiy sabablar qamrab olingan jadvallar asosida oilabay o‘rganish ishlari tashkil etilib, olib borilgan ishlar natijasida bir qator muammolar hal etildi. Jumladan, imkoniyati bo‘la turib, oilasi va farzandlarini uy-joy bilan ta’minlamagan fuqarolardan 35 nafarining, aliment pulini to‘lamasdan yurgan 44 fuqaroning, uyga kiritib qo‘yish bo‘yicha sudning ijro hujjatlari mavjud bo‘la turib, ijro etilmagan 13 ta oilalarning, yashayotgan manzilida doimiy ro‘yxatsiz (propiskasiz) yashayotgan 237 ta onalarning muammolari hal etildi.

Shuningdek, oilaviy ajrimlarning oldini olish borasida fuqarolik sudi bilan hamkorlikda olib borilgan ishlar natijasida 2016 yilning yakunida oilaviy ajrimlar soni 2015 yilga nisbatan 711 taga kamayishiga erishildi.

Shu bilan birga, Xotin-qizlar qo‘mitasi, mahalla va fuqarolik sudlari tomonidan yarashtirilgan oilalar soni 1127 tani tashkil etib, bu oilalardagi 1479 nafar voyaga etmagan bolalar ota-ona bag‘rida tarbiya topadigan bo‘ldi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Toshkentda o‘z uyida propiskasiz yashayotgan 237 nafar ayolning muammolari hal etildi