Samarqand viloyatining Toyloq tumanida otaning o‘z farzandlari bilan yuk mashinasini ataylab yoqib yuborgani yuzasidan rasmiy axborot berildi. Bu haqda Samarqand viloyat IIB ma’lum qildi.
2025-yil 28-noyabr kuni soat 21:50 da “Beklar” mahallasida yashovchi, 1985-yilda tug‘ilgan fuqaro K.A. o‘ziga tanish bo‘lgan G‘.R. (1990 y.t.) va N.R. (1991 y.t.) bilan kelishmovchilikka tushib, janjal kelib chiqqan.
Shundan so‘ng, K.A. o‘zining 2005 va 2007 yilda tug‘ilgan ikki farzandi bilan birga G‘.R. va N.R. boshqaruvidagi yuk avtomashinalariga benzin sepib, ularga o‘t qo‘ygan.
Yong‘in tezda bartaraf etilgan, boshqa avtomobillar va yuklarga zarar yetmagan. Hodisa joyiga huquq-tartibot idoralari zudlik bilan yetib borgan.
29-noyabr kuni Toyloq tumani IIB tergov bo‘limi tomonidan Jinoyat kodeksining 173-moddasi 2-qismi bilan ish qo‘zg‘atildi.
Aybdorlarga nisbatan qamoqqa olish ehtiyot chorasi qo‘llanilgan. Hozirda dastlabki tergov harakatlari davom etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
