Rossiyada o‘zbek mehnat muhojirlari huquqlari kafolatlandi

O‘zbekiston Respublikasi Mehnat vazirligining Tashqi mehnat migratsiyasi agentligi Rossiyaning “Vologda podshipnik zavodi” YoAJ bilan kelishuv imzoladi, deb yozadi “Qalampir” sayti.

Hozirgi kunda ushbu zavodda 3.5 ming nafarga yaqin ishchi xizmat qiladi, shundan 139 nafari O‘zbekiston fuqarosi sanaladi. Tashqi mehnat migratsiyasi O‘zbekiston fuqarolarining xorijda ishlashlari uchun yetarlicha sharoitlarni yaratib bermoqda.

2017 yilning 28 fevral kuni agentlik va “VPZ” YoAJ o‘rtasida mehnat faoliyatiga oid kelishuv imzolangan edi. Unga ko‘ra, O‘zbekiston Respublikasidan Rossiyaga kelgan mehnat muhojirlari ijtimoiy himoya va iqtisodiy huquqlar bilan kafolatlanadi.