Navoiy viloyatida er-xotin o‘rtasidagi janjalni noto‘g‘ri talqin qilgan bloger jarimaga tortildi. Hodisa viloyat Ichki ishlar boshqarmasi matbuot xizmati tomonidan tasdiqlandi.
Ma’lum qilinishicha, bloger o‘z postida ayolning eri tomonidan suiqasd qilgani haqidagi yolg‘on va asossiz xabarlarni tarqatgan. Natijada ijtimoiy tarmoqlarda noto‘g‘ri ma’lumotlar keng yoyilgan.
Tekshiruvlar blogerning hikoyasi va aytilgan xabarlarning haqiqatga to‘g‘ri kelmasligini aniqladi. Sud qaroriga ko‘ra, bloger BHMning 50 baravari miqdorida jarimaga tortildi. Shu bilan birga, jamoat tartibini buzgan er-xotinga BHMning 3 baravarida jarima qo‘llandi.
Ushbu voqea blogerlar va ijtimoiy tarmoqlar foydalanuvchilari uchun noto‘g‘ri ma’lumot tarqatishning oqibatlarini ko‘rsatmoqda.
“Zamin”ni Telegramʻda oʻqing!
