Voyaga etmagan qizlarning nomusiga tekkan teleboshlovchi muddatidan avval ozodlikka chiqariladi

2014 yilda nomusga tajovuz qilganlikda aybalanib jazoga mahkum qilingan BBC’ning sobiq xodimi 87 yoshli Rolf Xarris bugun 19 may kuni ozodlikka chiqariladi, deb yozadi Qalampir.uz sayti.

Rolf Xarris olti yil avval qamoqqa mahkum etilgan edi, ammo ma’lum sabablarga ko‘ra mahbus muddatning yarmini o‘taydigan bo‘ldi. Buyuk Britaniya fuqarosi bo‘lmish Rolf Xarris ozodlikka chiqishi bilanoq yana sud oldida javobgarlikka tortiladi.

Ayni damda sobiq teleboshlovchi 1970-1980 yillarda sodir qilgan yana uchta jinoyati bo‘yicha ayblanmoqda. Britaniya Oliy sudi hakami Debor Teylorning qaroriga ko‘ra, Xarris tergov jarayonida ozodlikda qoladi.

Ma’lum bo‘lishicha, Xarris turli yillarda 13, 16 yosh atrofidagi qizlarning nomusini toptagan bo‘lib, jabrdiydalar bo‘lib o‘tgan voqealar haqida hech kimga og‘iz ochmay kelishgan. Qariya o‘ziga qaratilgan ayblovlarni inkor etishda davom etmoqda.

Eslatib o‘tamiz, 2014 yilda xuddi shu kabi jinoyat bo‘yicha fosh qilingan 600 ga yaqin britaniyalik fuqaro qo‘lga tushirilgandi. “Zamin” yangiliklarini “Youtube”da kuzatib boring