Nobiometrik shakldagi pasportning amal qilish muddati 2018 yilning 01 iyul kuniga qadar belgilandi

O‘zbekiston Respublikasi Vazirlar Mahkamasining 2015 yilning 14 dekabridagi «O‘zbekiston Respublikasi aholisini biometrik pasport bilan ta’minlash yuzasidan qo‘shimcha chora-tadbdirlar to‘g‘risida»gi Qarori talablariga muvofiq, O‘zbekiston Respublikasi hududida fuqarolarimizning nobiometrik shakldagi pasportini amal qilish muddati 2018 yilning 01 iyul kuniga qadar belgilangan, deb xabar bermoqda “Toshkent IIBB”.

Fuqarolarni ortiqcha sarson bo‘lishlarini hamda ularni qonunchilikda belgilangan ma’muriy javobgarlikka tortilishlarini oldini olish maqsadida, pasport olish yoshiga etgan va O‘zbekiston Respublikasining nobiometrik shakldagi pasportiga ega bo‘lgan fuqarolardan hududiy IIBlari migrasiya va fuqarolikni rasmiylashtirish bo‘limlarida tashkil etilgan “Ma’lumotlarni yig‘ish punkt”lariga tizimli ravishda tashrif buyurishlari tavsiya etiladi. “Zamin” yangiliklarini “Instagram”da kuzatib boring