Yakkasaroy tumanida 200.000 so‘mlik velosiped o‘g‘risi fosh etildi

2017 yilning 04 iyun kuni taxminan soat 2000 larda noma’lum shaxs o‘zganing mol-mulkini yashirin ravishda talon-toroj qilish maqsadida, Yakkasaroy tumanida hududida Rano Xaliqulovaning uyiga g‘ayriqonuniy ravishda kirib, bahosi 200.000 so‘mlik velosipedini o‘g‘irlab, hodisa joyidan yashiringan. Bu haqda Toshkent shahar IIBB sayti xabar bermoqda.

Mazkur holat yuzasidan Yakkasaroy tumani IIB huzuridagi Tergov bo‘limi tomonidan O‘zbekiston Respublikasi JKning 169-moddasi 2-qismi «g» bandi (o‘g‘irlik, ya’ni o‘zganing mol-mulkini yashirin ravishda uy-joyiga g‘ayriqonuniy ravishda kirib, talon-toroj qilish) alomatlari bilan jinoyat ishi qo‘zg‘atilgan edi.

Olib borilgan tergov-tezkor tadbirlari natijasida, mazkur jinoyatni muqaddam o‘g‘irlik jinoyati uchun sudlangan Sergey Andreevich Lomovskoy tomonidan sodir etganliganligi aniqlanib, undan o‘g‘irlangan velosiped daliliy ashyo sifatida olingan.

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.

Jabrlanuvchining anketa ma’lumotlari o‘zgartirilgan bo‘lib, familiya va ismlarning xar qanday o‘xshashligi tasodifiy harakterga ega. “Zamin” yangiliklarini “Telegram”da kuzatib boring