Oxirgi quyosh tutilishi taxminan 600 mln yildan keyin yuz beradi, chunki bu vaqtga kelib Oy Erdan shunday katta masofaga uzoqlashadiki, u o‘z gardishi bilan Quyoshni yopa olmaydi, deb xabar bermoqda Kun.uz.
“To‘liq quyosh tutilishi uchta hamkor – Oy, Quyosh va Er “raqsi” hisoblanadi. U Oy va Quyosh juda aniq ustma-ust tushgandagina yuz berishi mumkin. Vaqt o‘tib, to‘liq quyosh tutilishlar miqdori va davomiyligi kamayib boradi va taxminan 600 mln yildan keyin Er oxirgi marta bunday hodisaning guvohi bo‘ladi”, deb aytmoqda NASA koinot parvozlari markazidan Richard Vondrak.
Quyosh tutilishi Oy o‘z harakatida Quyosh gardishidan o‘tayotganda yuz beradi. Bu har doim yangi oy vaqtida yuz beradi. Biroq hamma yangi oyda ham quyosh tutilishi yuz bermaydi. Yangi oyda Oy orbitasining Er orbitasiga qiyaligi sababli Oy odatda biroz “nishondan adashib”, Quyoshdan teparoqdan yoki pastroqdan o‘tadi. Biroq yilda kamida 2 marta (5 martadan ko‘p bo‘lmagan holda) Oy soyasi Erga tushadi va quyosh tutilishi yuz beradi.
To‘liq quyosh tutilishi esa yanada kamroq yuz beradi. Bunda Oy gardishi Quyoshni Erdan to‘liq yopadi va Oy soyasi o‘tadigan sayyoramizning sirtidagi tor polosani vaqtinchalik qorong‘ilikka cho‘mdiradi. Qoidaga ko‘ra, bunday quyosh tutilishlar taxminan 18 oyda bir marta yuz beradi va Erdagi har bir nuqta 50 yil ichida bir marta shunday tutilish guvohi bo‘ladi.
Vondrakning aytishicha, to‘liq quyosh tutilishlar vaqtinchalik hodisa hisoblanadi, bunda Oy joyida turmaydi, u Erdan ko‘tarilish kuchlari ta’sirida sekin-asta uzoqlashadi. Oy har yil sayyoramizdan yiliga 2,2 santimetrga uzoqlashmoqda. Bu quyosh sekin-asta kattalashayotgani bilan birgalikda yakuniy natijada Oy quyosh tutilishi vaqtida Quyoshni jismonan yopa olmaydi.
Quyoshning keyingi to‘liq tutilishi joriy yilning 21 avgustida yuz beradi. Bunda Oy soyasi AQSh markaziy qismining ko‘plab hududlari aholisi uchun Quyoshni yopadi.
Bu Quyosh tutilishi vaqtida NASA astronomlari Quyosh nuri Oy tuprog‘i bilan qanday birgalikda ishlashini hamda Er sirti topografiyasini kuzatishni rejalashtirishmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
La Liga. “Real Madrid” muddatidan oldin Ispaniya chempionligini qo‘lga kiritdi
Keksayganda ham yosh ko‘rinish uchun qanday hayot tarzini kechirish kerak?