— 24 yoshdaman. Yurtimizda ishlab yurgan xorijlik yigit bilan tanishib, bir-birimizni yoqtirib qoldik. Tanishganimizga ikki yil bo‘ldi. Yaqinda uning ish muddati tugab yurtiga ketdi. Ota-onamga bu haqda gapirishga qo‘rqaman. Chunki bilaman, baribir rozilik berishmaydi. Yigit esa: «Men bilan birga keta qol, olti oydan so‘ng qaytib kelamiz-da, to‘y qilishni aytamiz. Shunda ular rozi bo‘lishdan boshqa iloji qolmaydi», demoqda. Shunday yo‘l tutsam bo‘ladimi?
Muyassar, Xorazm viloyati.
Tahririyatdan:
— Juda noto‘g‘ri fikr. Ota-onadan yashirincha ish qilishning oqibati «voy» bo‘ladi. Sizning dunyoga kelishingizga sababchi bo‘lgan, oq yuvib oq taragan, qog‘ozdagi qanddek go‘zal tarbiyalagan ota-onani dog‘da qoldirib, allaqaydagi chet ellik yigit bilan o‘zingiz bilmagan yurt, notanish odamlarnikiga qay yurak, qay jur’at bilan borasiz? Va so‘ngra qay yuz bilan Vatanga qaytasiz? Bu sharmandalik, g‘irt ahmoqlik-ku! Bu muhabbat emas, qabohat! Jon qizim, ko‘zingizni oching! Tafakkur qilib ko‘ring, sizni bu yo‘lga boshlayotgan yigitda or-nomus bormi o‘zi?
Balki ularda bunday yo‘l tutish odat tusiga kirgan oddiy hodisa bo‘lsa ajabmas. Biz — o‘zbeklarda bu oriyat! Ota-onani tiriklayin go‘rga tiqish! Qolaversa, hayot tajribasiga ega bo‘lgan, xotin-qizlar masalalari bilan ishlab turli muammolarni o‘rgangan va natijasini ko‘rgan inson, ayol va ona sifatida maslahatim — o‘z yurtingizdagi, iloji bo‘lsa o‘z qishlog‘ingizdagi yigitga turmushga chiqishga harakat qiling.
Eng asosiysi, ota-onangiz, qarindosh-urug‘ingizga yaqin joyda yashaysiz. Bu esa o‘zimiz sezmagan katta baxt, qizim! Turmush masalasi faqat ishq-sevgi romantikasidangina iborat emas. Bizda oila muqaddas! Nikoh muqaddas! Ota-ona-muqaddas zotlar hisoblanadi. Bu muqaddaslikka xiyonat qilish gunoh, bolam. Unutmang, o‘zligini yo‘qotgan odam o‘zini tamoman yo‘qotadi.
Mehmon yigitimizga ham o‘z yurti, ota-onasi bag‘rida baxt va omadi kulib yashashini tilab qolamiz.
Manba: Darakchi.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
20 yoshli o‘zbekistonlik qizni qarindoshi Turkiyaga sotib yubordi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Shols va Putin o‘rtasidagi suhbat Kiyevga signal bo‘ldi
Yaxshi pishgan va mazali anor tanlashga yordam beradigan tavsiyalar
Apple dongdor ikki ayfonini rasman eskirgan deb e’lon qildi
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
