Peskovning qizi ishlaydigan uyushma Markaziy bankka Putinning portreti tushirilgan kupyurani bosib chiqarishni taklif qildi

Rossiyaning «Avanti» tadbirkorlar uyushmasi Markaziy bankka Vladimir Putinning portreti tushirilgan kupyura bosib chiqarishni taklif qildi, deb yozadi «RBK». Uyushma rahbarining maslahatchisi esa Rossiya Prezidenti matbuot kotibining qizi Elizaveta Peskovadir.

«Biz iloji boricha qisqa muddatlarda Rossiya Bankining nominali 10 ming rubl bo‘lgan, Vladimir Putin tasviri tushirilgan kupyurasini chiqarishni va uni cheklangan hajmda estalik banknotasi sifatida muomalaga kiritishni taklif qilamiz», — deyiladi «Avanti» ning prezidenti Rahman Yansukov imzolagan murojaatda. Bu haqda Daryo.uz ma’lum qildi.

Yangi banknotaning kiritilishi Rossiya jamoatchiligini jipslashtiradi va fuqarolarda «pul mablag‘lari bilan muomala qilish madaniyati»ni oshiradi, deya taxmin qiladi «Avanti» dagilar. Tashabbus mualliflari Tailand tajribasiga ishora qildi, u erda qirol Rama IX tasviri tushirilgan kupyuralarga ehtiyotsizlik bilan muomalada bo‘lganlar jinoiy jazoga tortiladi. “Zamin” yangiliklarini “Facebook”da kuzatib boring