Ichki ishlar vaziri o‘rinbosari o‘zgardi

O‘zbekiston Respublikasi prezidenti Shavkat Mirziyoyevning 23 fevraldagi qarori bilan O‘zbekiston ichki ishlar vaziri o‘rinbosari - Jazoni ijro etish bosh boshqarmasi boshlig‘i o‘zgardi.

Endilikda bundan avval O‘zbekiston prezidenti devonining siyosiy-huquqiy masalalar bo‘yicha sektor mudiri sifatida ishlab kelgan Bahrombek Qahramonovich Odilov ichki ishlar vazirining o‘rinbosari, Jazoni ijro etish bosh boshqarmasi boshlig‘i sifatida ishlaydi.

Eslatib o‘tamiz, avvalroq IIV Jinoyat qidiruv bosh boshqarmasi boshlig‘i o‘zgargani xabar qilingandi. “Zamin”ni Telegramʻda oʻqing!