7 297
O‘zbekiston Prezidenti Shavkat Mirziyoyev 30 aprel, dushanba kuni Toshkentda Turkiya biznesi va banklari rahbarlari qarshisida nutq so‘zlayotib, ularga Toshkentning yangi hokimi — Jahongir Ortiqxo‘jayevni tanishtirdi, deb yozadi «Gazeta.uz».
«Men O‘zbekiston tarixida birinchi marta o‘zim ishonadigan tadbirkorni Toshkent hokimi etib tayinladim. Bunaqasi tarixda bo‘lmagan», — dedi Shavkat Mirziyoyev.
«Bu joriy islohotlarni tushunadigan, byurokratiyadan uzoq bo‘lgan, Toshkent shahrining ertangi kuni qanday bo‘lishini tasavvur qiladigan, zamonaviy yigit O‘zbekistonga toza havo kirishi uchun, investorlarni qo‘llab-quvvatlash uchun tayinlandi», — deya ta’kidladi Prezident.
«U bizning ko‘pchilik rahbarlarimiz kabi raykom, partiya singari byurokratiya tizimlarining hech birida ishlamagan. Bu tadbirkor. Shunga qaramay, men bu tadbirkorni eng yirik hududimiz — Toshkent rahbari etib tayinladim», — dedi davlat rahbari.
«Ertangi kunni men faqat tadbirkorlarga ishonaman. Shu sababli qaror qildim: tadbirkor — Toshkent shahar hokimi», — dedi u.
«Bugungi kundan e’tiboran u ikki karra mas’uliyatga ega, — deya qo‘shib qo‘ydi Shavkat Mirziyoyev. — Agar sizlar (turkiyalik investorlar) Toshkentda birorta to‘siqqa duch kelsangiz, u javobgar bo‘ladi».
Akfa kompaniyalari asoschisi, Artel Engineering va Tashkent City direktori Jahongir Ortiqxo‘jayev 26 aprel kuni Toshkent hokimi vazifasini bajaruvchi etib tayinlangan edi.
O‘zbekiston PrezidentiToshkent shahridaShavkat MirziyoyevTurkiya biznesiJahongir Ortiqxo‘jayevtadbirkor tayinlashislohotlarni tushunishbyurokratiyadan uzoqzamonaviy yigitinvestorlarni qo‘llab-quvvatlash O'zbekiston yangiliklari Yangiliklar
“Zamin”ni Telegramʻda oʻqing! 
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
11:32, 11-05-2025
