“Toshkent – Nyu-York — Toshkent” aviareyslari keskin arzonlashtirildi

“O‘zbekiston havo yo‘llari” MAK joriy yilning 3 iyunidan 8 sentyabriga qadar “Toshkent – Nyu-York - Toshkent” yo‘nalishi bo‘yicha ekonom klassning minimal tariflarini pasaytirmoqda.

Unga ko‘ra, bir tomonga uchish narxi 430 yevro (4 037 924 so‘m), borib-kelish esa 829 yevro (7 788 863 so‘m) etib belgilandi. Bu haqda “Xalq so‘zi” nashri xabar tarqatdi.

Yo‘lovchilar uchun qulay sharoitlar yaratish maqsadida, shuningdek, “Samarqand – Nyu-York” reyslari uchun ham 3 iyundan boshlab bir tomonli tarif joriy etiladi.

Gap shundaki, shu asosda Samarqanddan Nyu-Yorkka Toshkent orqali aviachipta rasmiylashtirish uchun yana bir qulaylik yaratiladi. Bunda “Samarqand — Toshkent” ichki marshrutida parvoz qilish uchun qo‘shimcha to‘lovlar talab etilmaydi.

Aviachipta xarid qilingan kunidagi O‘zbekiston Respublikasi Markaziy banki kursi bo‘yicha sotiladi. “Zamin” yangiliklarini “Vkontakti”da kuzatib boring