Pensiyangiz miqdorini bilishni xohlaysizmi?

O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasining tashabbusi hamda O‘zbekiston Respublikasi Axborot texnologiyalari va kommunikatsiyalarini rivojlantirish vazirligi va Axborot-kommunikatsiya texnologiyalarini rivojlantirish Jamg‘armasining moliyaviy ko‘magi, shuningdek «Mobi Tel Inform» MChJning tashkiliy-texnik yordami asosida Pensiya jamg‘armasi tomonidan pensiya va nafaqalarni oluvchi shaxslarga SMS-Pensiya interaktiv xizmati taqdim etilganligini ma’lum qilindi.

Axborotni olish uchun individual ravishda SMS–so‘rovi talab qiladigan SMS-xabarlar quyidagilardan iborat:

1.Pensiya yoki nafaqa miqdorini aniqlash uchun:

Joriy davrga - *7000007*61# ni SMS tarzida qisqa 10711 raqamiga yuboring

Oldingi davr uchun - *7000007*61*052018# ni SMS tarzida qisqa 10711 raqamiga yuboring.

Bunda, 7000007 - pensiya va nafaqa oluvchining pensiya guvohnomasidagi shaxsiy xisob raqami;

61 - SMS tizimidagi kod;

052018 – talab qilingan (o‘tgan) davr uchun SMS–ma’lumot. Ushbu davr SMS- so‘rov yuborilgan sanadan 3 oy mobaynida bo‘lishi zarur.

2.Pensiya yoki nafaqa tayinlangan sanani aniqlash uchun - *7000007*63# ni SMS tarzida qisqa 10711 raqamiga yuboring.

Ushbu tadbirlardan maqsad, pensionerlarga qo‘shimcha qulayliklar yaratish va ularning farovonligini oshirishga qaratilgan.