“Lasetti” sotaman deb “Olx.uz” saytiga e’lon bergan firibgar ushlandi

Toshkent shahrining Yakkasaroy tumanida 27 iyul kuni IIBdan tushgan hujjatlarga ko‘ra, shu yil iyun oyida Yashnobod tumanida yashovchi, muqaddam sudlangan, X.R. “Olx.uz” internet sayti orqali “Lasetti” rusumli avtomashinasini sotish to‘g‘risida bergan e’loniga asosan, Uchtepa tumanida yashovchi U.X. unga qo‘ng‘iroq qilib, avtomashinasini sotib olishini istagini bildirib, Qushbegi dahasida ko‘rishgani va X.R., U.X.ga avtomashinaning hujjatlari hamda fuqarolik pasportini ko‘rsatib, aldov yo‘li bilan 11.200 AQSh dollarini olib avtomashinani nomiga rasmiylashtirib berishini aytib, bergan va’dasini bajarmay pullarni o‘z ehtiyojlari uchun ishlatib yuborganligi ko‘rsatilgan. Mazkur holat yuzasidan X.R. qo‘lga olingan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi. “Zamin” yangiliklarini “Odnoklassniki”da kuzatib boring