Test natijalari e’lon qilindi: Eng yuqori ball hozircha Toshkent davlat yuridik universitetida

O‘zbekiston respublikasi Vazirlar mahkamasi huzuridagi Davlat test markazi saytida e’lon qilingan ma’lumotga qaraganda respublika oliy ta’lim muassasalariga kirish test sinovlarining 1 avgust kungi natijalari quyidagicha:

Test sinovlari 23 ta oliy ta’lim muassasalarining 154 ta ta’lim yo‘nalishi bo‘yicha o‘tkazildi.

Test sinovlarida 58 985 nafar abituriyent ishtirok etdi.

O‘rtacha o‘tish bali:

davlat granti – 142,9;

to‘lov-kontrakt – 123,7 ni tashkil qildi.

Oliy ta’lim muassasalari bo‘yicha eng yuqori o‘tish bali:

davlat granti bo‘yicha – 223,5 ball, Toshkent davlat yuridik universitetining “Yurisprudensiya” (rus) ta’lim yo‘nalishida qayd etildi.

to‘lov-kontrakt bo‘yicha – 176,7 ball, Toshkent davlat yuridik universitetining “Yurisprudensiya” (o‘zbek) ta’lim yo‘nalishida qayd etildi.

Test sinovlari natijalarini Davlat test markazining rasmiy veb sahifasidan olish mumkin.
“Zamin”ni Telegramʻda oʻqing!