Toshkent viloyatining sobiq hokimi viloyat hokimiga o‘rinbosar bo‘ldi

Rustam Qurbonnazarovich Xolmatov Toshkent viloyati hokimining qishloq va suv xo‘jaligi masalalari bo‘yicha o‘rinbosari etib tayinlandi. Bu haqda «Kun.uz» nashri xabar bermoqda.

U Oqqo‘rg‘on va Bekoboddagi voqealar ortidan ishdan bo‘shagan viloyat hokimi o‘rinbosari o‘rnini egalladi.

Rustam Xolmatov bungacha Jizzax viloyat hokimining qishloq va suv xo‘jaligi masalalari bo‘yicha o‘rinbosari sifatida ishlab kelayotgandi.

Rustam Xolmatov 1961 yilda Toshkent viloyati Oqqo‘rg‘on tumanida tug‘ilgan. U Toshkent xalq xo‘jaligi institutini (hozirgi Toshkent iqtisodiyot universiteti) iqtisodchi mutaxassisligi bo‘yicha bitirgan.

U 1995 yildan 2003 yilgacha Toshkent viloyati hokimining birinchi o‘rinbosari, keyinroq Chinoz va Quyi Chirchiq tumanlari hokimi bo‘lib ishlagan. 2008 yildan 2013 yilgacha esa Toshkent viloyati hokimi bo‘lgan. “Zamin”ni Telegramʻda oʻqing!