7 660
Surxondaryoda Milliy gvardiya, ichki ishlar va chegara qoʻshinlariga ishga joylashni vaʼda qilgan “DXX xodimlari” ushlandi
Foto: UzNews
Firibgarlik harakatlari uchun muqaddam sudlangan Jonibek Azimov va Nurali Xudoyberdiyevning oxirgi ovi baroridan kelmadi. Ular Davlat xavfsizlik xizmati Surxondaryo viloyat boshqarmasi hamda Bosh prokuratura huzuridagi departamentining hududiy boshqarmasi xodimlari tomonidan qoʻlga olindi, deya xabar bermoqda OʻzA.
Mazkur shaxslar oʻzlarini goʻyoki Davlat xavfsizlik xizmati idoralarida ishlayman deya tanishtirib, sodda odamlarning ishonchiga kirib, ularning farzandlarini oliy oʻquv yurtiga oʻqishga kiritish, muddatli harbiy xizmatga yuborish va huquq-tartibot idoralariga ishga joylashtirishni vaʼda qilib, ulardan pul talab qilib kelgan.
Lekin bu kimsalarning keyingi firibi ish bermadi. Bu gal ular yana bir fuqaroni ichki ishlar organlariga ishga kiritish evaziga Termiz shahrida 2,2 million soʻmni olayotgan vaqtda ashyoviy dalil bilan ushlandi. Maʼlum boʻlishicha, J.Azimov va N.Xudoyberdiyev ushbu shaxsni ishga joylash bahonasi bilan muqaddam undan 3900 AQSH dollari ham undirgan.
Bundan tashqari, yana bir fuqaroni Milliy gvardiyaga ishga kiritishni vaʼda qilib, undan 3300 AQSH dollari miqdorida pul olishgan.
Shuningdek, boshqa bir fuqaroning farzandini DXX Chegara qoʻshinlariga harbiy xizmatga kiritishni vaʼda qilib, undan 3 ming AQSH dollari va 6,6 million soʻm olishgan.
Tergovoldi surishtiruv ishlari davomida Nurali Xudoyberdiyevning yashash joyi koʻzdan kechirilganda soxta hujjatlar, blankalar hamda harbiy kiyim topildi.
Hozirda mazkur shaxslarga nisbatan Jinoyat kodeksining tegishli moddalariga muvofiq jinoyat ishi qoʻzgʻatilib, tergov harakatlari olib borilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Shi Te Yong: "Bizda hali olimpiadaga chiqish imkoniyati bor"
Ilon Mask Ukraina va AQSH o‘rtasidagi uzoq muddatli yordam bo‘yicha muzokaralarni “aqldan ozish” deb atadi
Ushbu moddaning yetishmasligi tamaki kabi umrni qisqartiradi
Xodimlarning mehnat qonunchiligiga rioya etilishi nazoratga olingan
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Elektromobil haydovchilar uch xil bo‘ladi
AQSHda MXA sobiq xodimi Rossiya foydasiga josuslik qilgani uchun 21 yilga qamaldi