Davlat soliq qo‘mitasi «Ozodlik» tomonidan chop etilgan tanqidiy material yuzasidan o‘z munosabatini bildirdi.
«Ozodlik» radiosi jurnalisti Sadriddin Ashur tomonidan tayyorlangan materialda Qashqadaryo viloyati Yakkabog‘ tumani davlat soliq inspeksiyasi xodimlari hududdagi ayrim tadbirkorlarni Jizzax viloyatining Forish tumanidagi obodonlashtirish ishlariga homiylik qilish uchun majburlayotgani ta’kidlangan.
Shuningdek, Yakkabog‘ tumani davlat soliq inspeksiyasi rahbari «Ozodlik» bilan suhbatlashishdan bosh tortgani keltirib o‘tilgan.
Davlat soliq qo‘mitasining Jamoatchilik bilan aloqalar va huquqiy axborot bo‘limi ushbu holat yuzasidan quyidagilarni ma’lum qiladi:
Davlat soliq qo‘mitasi Yakkabog‘ tumani davlat soliq inspeksiyasining tadbirkorlarni homiylikka majburlanayotgani bo‘yicha vaziyatni zudlik bilan o‘rganib chiqdi.
Shu o‘rinda qayd etish lozimki, Davlat soliq qo‘mitasi va barcha hududiy boshqarmalar tomonidan aholini, shu jumladan, tadbirkorlarni Forish tumani qiyofasini zamonaviy ko‘rinishga keltirish bo‘yicha homiylikka majburiy jalb qilish yuzasidan hech qanday og‘zaki va yozma ko‘rsatma berilmagan.
Yakkabog‘ tumani davlat soliq inspeksiyasi rahbari Asliddin Rustamovdan «Ozodlik» radiosi muxbiri qo‘ng‘iroq qilganda nima uchun javob berishdan bosh tortganligi so‘ralganda, aynan o‘sha vaqtda u tog‘li hududda o‘tkazilayotgan tadbirda ishtirok etayotgani va aloqa sifati yaxshi bo‘lmaganligi uchun javob bera olmagani sabab qilib ko‘rsatildi.
Ammo shunga qaramasdan, inspeksiya rahbari Asliddin Rustamov ommaviy axborot vositalarining murojaatiga tezkorlik bilan munosabat bildirmaganligi bois, Qashqadaryo viloyati davlat soliq boshqarmasi tomonidan unga nisbatan «xayfsan» intizomiy jazo chorasi qo‘llanildi.
Shu bilan birga, joylardagi barcha hududiy davlat soliq inspeksiyalari rahbarlari ommaviy axborot vositalarining har bir murojaatiga tezkor va to‘laqonli axborot taqdim etishlariga mas’ul ekanliklari yana bir bor ko‘rsatib o‘tildi.
O‘z navbatida, Davlat soliq qo‘mitasi «Ozodlik» radiosiga bunday holatning oldini olishga amaliy yordam berganligi uchun minatdorchilik bildiradi.
«Hurmatli soliq to‘lovchilar! Agar soliq xizmati organlari tomonidan homiylikka majburlash holatlariga duch kelsangiz, u holda Davlat soliq qo‘mitasining (71) 244-98-98 raqamli ishonch telefoniga hamda DSQ Matbuot xizmatining (71) 244-97-54 telefon raqamiga murojaat qilishingizni so‘raymiz», — deyiladi xabarda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin