Foto: «Google.com»
Yozmayman, tinchgina sigirimni sog‘ib, pomidorlarimni parvarish qilib, sut-qatiq, qaymoq sotaman, deymanu... Yana jununim boshimga chiqib yozib qo‘yganimni bilmayman.
Bugun telefonim jiringladi. Olsam ovozi mayin bir qiz: «siz Mahmudjonning ayasimisiz», — dedi. Ha, dedim. «Men Mahmudjonning guruhidagi bolalardan birining onasiman», — deb muddaoga o‘tdi.
— Biz ota-onalar bilan kelishib «Xayr bog‘cha» tadbiriga 100 ming so‘mdan yig‘adigan bo‘ldik. Buni ichiga bog‘chaga remont, bolalarning chiqimlari va bog‘chaga opaga sovg‘a ham kiradi, — dedi.
«Nega boshqa bog‘chalar 50-70 mingdan yig‘yapti, biz ham 50 mingdan yig‘sak bo‘lmaydimi», — desam, «Bilmadim, men yosh onaman, buvilar aytyapti», — dedi.
Yaqinda o‘zi Muniraning 4-sinfni bitirishiga 100 mingdan yig‘ib bergandik. Xudo biladi o‘sha pulning qanchasi nimaga ishlatilganini. Xuddi shu 100 mingning ichida maktab remonti ham bor edi.
Men qiziqyapman-da. Davlat byudjetining eng katta qismi ta’lim va sog‘liqni saqlash tizimiga ajratiladi. Nega yana maktab va bog‘chalarda yig‘-yig‘lar tugamayapti. Davlatning puli qayerga ketyapti?
Davlat remont uchun deb ajratgan pul nega xalqning ko‘z o‘ngida, shaffof ishlatilmaydi? Nega har yili ota-onalar remont uchun pul yig‘ib beradi? Nega, nega, nega???
Yana eng yomoni dushman o‘zimizdan chiqadi. Ustozga yaxshi ko‘rinish istagidagi bir-ikki ota-ona taklif xuddi o‘zidan chiqqanday gapiradi. O‘shalarning qo‘li bilan ish qilinadi. Go‘yoki taklif ota-onadan chiqqanday.
Kimdir bog‘cha va maktablar remontini tekshiradimi? Kimdir xalqqa pullari talon-taroj bo‘layotganini isbotlab bera oladimi? Kimdir yoki kimlardar Prezidentni aldayotganini tan oladimi?
Mahmudjonning onasi
Manba: Xabar.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
“Kalyari” Shomurodov bo‘yicha bir qarorga keldi
Ukraina 300 mingta dron sotib olish uchun pul ajratadi
Biologik faol qo‘shimchalar mutlaqo zararsizmi?
AQSHda erkak xotinini pichoqlab, uni tiriklayin ko‘mdi, ayol esa tirik...
Ko‘p kvartirali uylarda «kvartplata»ning eng kam miqdori tasdiqlandi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Turk seriallari yulduzi Demet O‘zdemirning Istanbuldagi shinam villasiga sayohat