28 may kuni internetda Andijonda prezidentga ko‘zbo‘yamachilik qilingani to‘g‘risida xabar tarqaldi.
Unda O‘zbekiston prezidenti Shavkat Mirziyoyevning 16 may kuni Andijon viloyatiga tashrifi chog‘ida «O‘zbekiston24» telekanali orqali «uy berildi» deb ko‘rsatilgan ayollardan biri Xurshida Tillayeva uy uchun minnatdorchilik bildirib intervyu berganidan keyin uydan chiqarib yuborilgani haqida aytilgan.
Kun.uz muxbiri ushbu mojaroli holat tafsilotlarini o‘rganish uchun Andijon shahrida bo‘ldi.
Aniqlanishicha, Xurshida Tillayeva oilasi buzilgach, Andijon shahri markazidagi Pushkin ko‘chasida keksa onasi Xalimaxon Tillayeva, turmushi buzilib qaytgan singlisi va nogironligi bor ukalari bilan yashab kelgan.
Prezidentning Andijonga tashrifi vaqtida viloyat hokimligi Xurshida Tillayevaning onasi va oila uchun Andijon shahri chetida barpo etilgan mahalladan kottej berilgan (eski mahalla o‘rnida «Andijan city» ishbilarmonlik shaharchasi quriladi). Xurshida Tillayeva esa ko‘p qavatli uylardan ikki xonali kvartira bilan ta’minlanadigan bo‘lgan.
Ma’lum bo‘lishicha, ikki xonali kvartiraga qanoat qilmagan Xurshida Tillayeva o‘zi va ikki farzandi uchun ham namunali uylardan alohida kottej berilishini istagan.
Shundan keyin u videomurojaat yo‘llab, o‘ziga berilgan uy tortib olinganidan shikoyat qilgan.
Endi ma’lum bo‘lishicha, u hovli olgan onasi o‘rniga, uy o‘ziga emas, onasiga berilganini anglagan holda «O‘zbekiston 24» uchun intervyu bergan. Telekanal muxbiri esa intervyuni Xurshida Tillayevaning onasiga berilgan uyda emas, qo‘shni uyda s’yomka qilgan. Muxbir bu uy Xurshida Tillayevaga ham, uning onasiga ham berilmaganidan xabardor bo‘lganmi, yo‘qmi, bu savol hozircha ochiq. Shuningdek, hokimlik ham bu intervyu tayyorlanishi jarayonidan xabardor bo‘lganmi, yo‘qmi, bunisi noma’lum.
Ta’kidlash kerakki, Xurshida Tillayeva Kun.uz muxbiri bilan suhbatda o‘zi ham kottejli bo‘lish maqsadida xorijiy nashrlar uchun videomurojaat tayyorlaganini tan oldi va hali ham kottejli bo‘lishdan umid uzmayotganini qo‘shimcha qildi. U hozirda onasi Xalimaxon Tillayeva uchun berilgan uyda yashamoqda.
Vaziyat kartinasi shunday: hozircha kim ko‘proq ko‘zbo‘yamachilik qildi, kim kimni aldadi, bu bo‘yicha yakuniy xulosaga shoshilmaymiz.
Ayni vaqtda mazkur ayolning videomurojaati yuzasidan tuzilgan maxsus komissiya o‘rganish ishlarini olib bormoqda, yaqin vaqtlar ichida masalaga to‘la oydinlik kiritiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukrainada safarbarlik to‘g‘risidagi yangi qonunning bir qismi kuchga kirdi
Messining kelishi "Inter Mayami" budjetiga qanday ta’sir qildi?
Messi amerikaliklarni hayratga solishda davom etmoqda
Rossiya bilan hamkorlikda Qashqadaryoda osma yo‘l quriladi
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”
O‘zbekistonda Xitoy bilan hamkorlikda chiqindilarni yoqish zavodi quriladi
Afg‘onistonda sayyohlarning xavfsizligi qanday ta’minlanmoqda?
Fyodor Yemelyanenko: “Men Mayk Tayson bilan jang qilishni reja qilgandim”
