«Xafa bo‘lish yo‘q»ning navbatdagi «hazili»: bola suvga tushib ketgani ham kulgi bo‘ldimi?

^{Foto: Facebook / Husnora Mahkamova}
Husnora Mahkamova Facebook’dagi «Potrebitel.uz» guruhida «ZO‘R TV» telekanali « Xafa bo‘lish yo‘q» ko‘rsatuvining oxirgi soni haqida fikr bildirgan.

«Afsuski, o‘zbek telekanallarini juda kam ko‘raman, biroq bugun to‘g‘ri qilishimga amin bo‘ldim. Shu ko‘rsatuvni ham oyim ko‘rganlar, u kishining fikrlarini keltiraman. Bu ko‘rsatuvda turli hazillar qilinadi, vaziyatlar yuzaga keltiriladi. Bu gal go‘yo ayolning kolyaskasidagi bola suvga tushib, oqimda yo‘qolib qolgani tasvirlanadi.

Ayol baqir-chaqir qilib, uvvos soladi. Erkak esa bola suvga tushib ketgani va bunga o‘zi aybdor ekaniga ishonadi hamda suvga sho‘ng‘iydi. Kadr ortida esa kulgi ovozlari yangraydi. Bunday mavzularda ham hazil qilib bo‘ladimi? Yoki biz hazil tushunmaydigan darajada zamondan ortda qoldikmi?» deya o‘smoqchilaydi foydalanuvchi.

^{Foto: Facebook / Husnora Mahkamova}
Foydalanuvchi telekanal xodimlarini bu qadar saviyasiz darajaga tushmaslik, aksincha, aholi ongini oshirishga chaqirgan. “Zamin”ni Telegramʻda oʻqing!