Ichki ishlar vazirligi mutasaddilarining axborot berishicha, 2019 yilda Toshkent shahrida 16 ming 785 nafar fuqaro doimiy propiskaga qo‘yilibdi.
Tasavvur qilyapman. Bu odamlarning xursandligini, quvonch va alam aralash ko‘z yoshlari duv-duv to‘kilayotganini. Hoynahoy, o‘zlarini yettinchi osmonda uchib yurgandek his qilishgandir. Pasportiga shu yetishish qiyin pechat ulgur bosilgach, dunyoda undan baxtli odam bo‘lmaganiyam aniq...
Sababi, bu his o‘zimgayam begona emas. O‘n besh yil deganda Toshkent propiskasiga ega bo‘lganman! Shuncha yil-a?! Lash-lushimni orqalab ketishga g‘urur qurg‘ur bo‘yin bermagandi-da!
Ha, men yengdim. Suxtasi sovuq uchastkavoylar bosgan shtraflarni mardonavor to‘lab yengdim.
Homilador xotinimni ro‘yxatga qo‘ymay taysallagan olmisoq doktorlarning kurakka turmaydigan talablari noqonuniyligini isbotlab, yutdim. Bolamni bog‘chaga qabul qilmagan mudiraning qonun doirasida tanobini tortib, g‘alaba qildim.
Yo‘q, yo‘q, yengilgan ekanman, aslida. Propiska balosi hali dunyoni idrok etishga ulgurmagan go‘daklarimni juda erta ulg‘aytirib qo‘ygan ekan.
Bolalarimni o‘z uyiga o‘g‘ri mushukdek pusib kirib-chiqishiga majburlagan ekan. Eshik qo‘ng‘irog‘i jiringlagan zahoti yig‘layotgan chaqalog‘imning ham ovozi darhol o‘chishiga, akasining «tiss» deb barmog‘ini labiga bosib, ukalarini tinchlantirishga odatlantirib qo‘yganiga ahamiyat bermagan ekanman...
Yaxshiyamki, shu elda tug‘ilib-o‘sgan, shu yurt fuqarosi ekanmiz. Haliyamki, jinoyatchi emasmiz va qora ro‘yxatda turmaymiz. Baxtimizki, oliy ma’lumotli, davlat ishida ishlaymiz.
Endi ayting, birgina propiska vajidan fuqarolarni shunday xo‘rlash adolatdanmi? Nega Konstitutsiya bilan kafolatlangan huquqimiz bunchalik paymol qilinadi?
Ishonamanki, Toshkenti azimda yuz minglab odamlar hali-hamon shunday hadik bilan shu zayl yashamoqda. Ularning sabri yana qanchaga yetarkan-a?!.
Manba: t.me “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
Messining kelishi "Inter Mayami" budjetiga qanday ta’sir qildi?
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Germaniyada Rheinmetall qurol kompaniyasi rahbarining dachasi yoqib yuborildi
Daniyada endi ayollar ham majburiy harbiy xizmatni o‘taydi
Pentagon Ukraina yuzasidan kutilmagan muammoga duch keldi