12 avgust kuni O‘zbekiston Respublikasi prezidenti Shavkat Mirziyoyev raisligida iqtisodiyot tarmoqlari va hududlarning eksport salohiyatini oshirish, ulardan samarali foydalanish, investitsiyalarni, avvalo, to‘g‘ridan-to‘g‘ri xorijiy investitsiyalarni jalb qilish va o‘zlashtirish, ishlab chiqarishni mahalliylashtirish ko‘lamini kengaytirish masalalariga bag‘ishlangan videoselektor yig‘ilishi o‘tkazildi. Selektor davomida prezident hokim bo‘lgan vaqtlarini esladi.
«Bizda 20 yil eksport yo‘q edi. Faqat gaz bilan paxta bor edi. Hozir biz yangi bosqichga ko‘tarilyapmiz. Biz raqobatga tayyor bo‘lishimiz kerak. Chegarani yopib qo‘yaverib qashshoq bo‘lib yuraverdik. Tanamizda qonimiz qolmadi. Biz eksportni rivojlantirishimiz kerak.
Eksportni kichik-kichik korxonalardan boshlash kerak. O‘sha kichiklar yig‘ilib katta bo‘ladi. Masalan ko‘katni 12 oy sotish mumkin (Qashqadaryo hokimi Zafar Ro‘ziyev rossiyalik investorlar ko‘kat eksport qilmoqchi ekanligi haqida gapirdi). Yerni undan unumli foydalanmoqchi bo‘layotganlarga berish kerak.
Mana, sizlarga mahalliylashtirish bo‘yicha ham yordamchi beryapmiz, pul beryapmiz. Men ham hokim bo‘lganman, bizda bir so‘m ham pul bo‘lmasdi», - deydi prezident.
Ma’lumot uchun, O‘zbekiston prezidenti Shavkat Mirziyoyev 2003 yil bosh vazir bo‘lishidan avval ikki yil Samarqand viloyat hokimi bo‘lib ishlagan. Mirziyoyev Samarqanddan oldin Jizzax viloyati va Toshkent shahar Mirzo Ulug‘bek tumanlarida ham hokim bo‘lib ishlagan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ortiqcha vaznli insonlar uchun sog‘lom ovqatlanishning beshta muhim qoidasi
Lukashenko G‘arbga tahdid bilan chiqdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ruslar Abrams tanklarining zaif tomonini topishdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Zoir Mirzayev “Telefonsiz maktab”ga 300 mln so‘m mukofot berdi