12:11 / 08.11.2019
1 935

Toshkent viloyatida 39 nafar yo‘lovchi bo‘lgan 2ta avtobus YTHga uchradi

Toshkent viloyatida 39 nafar yo‘lovchi bo‘lgan 2ta avtobus YTHga uchradi
2019 yilning 8 noyabr kuni soat 07:15lar atrofida Toshkent viloyatida ikkita avtobus ishtirokida yo‘l-transport hodisasi sodir bo‘ldi.

Toshkent viloyati hokimligi axborot xizmati xabariga ko‘ra, Toshkent shahri Uchtepa tumanida joylashgan “Aziya Mebel” tekstil fabrikasiga ketayotgan, "Oqqo‘rg‘on-Quyi Chirchiq-Yangiyo‘l" yo‘nalishida harakatlanayotgan "Isuzi" markali avtobus mahalliy aholidan iborat ishchilarni Toshkent shahridagi korxonalardan biriga olib ketayotgan avtobusni quvib o‘tmoqchi bo‘lganida yo‘l-transport hodisasi sodir bo‘lgan.

Hodisa sodir bo‘lgan vaqtda to‘qnashib ketgan avtobuslarda jami 39 nafar yo‘lovchi bo‘lgan.

Jabrlangan yo‘lovchilar Quyi Chirchiq va Oqqo‘rg‘on tumanlari markaziy kasalxonalariga joylashtirilib, tibbiy yordam ko‘rsatilgan, ularning yaqinlariga xabar berilgan.
Yo‘lovchilarning 1 nafari ko‘rsatilgan tibbiy yordamga qaramay shifoxonada vafot etgan. Vaziyat huquq-tartibot idoralari nazoratiga olingan.

avtobus Toshkent viloyati yo‘l-transport hodisasi
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)