Tutun ortidagi harbiy orkestr, faxriy qorovulning ko‘rgazmali chiqishlari, qo‘l jangi san’ati namoyishi hamda “harbiy Qorbobolar”ning konsert dasturi qoraqalpoq xalqiga Yangi yil bayramining o‘zgacha shukuhini tarqatishga xizmat qildi.
Shimoli-g‘arbiy harbiy okrug qo‘shinlari qo‘mondonligi Nukus shahridagi “Korzinka.uz” ko‘ngilochar-savdo majmuasi oldida Yangi yil arafasida xalqqa xushkayfiyat ulashish uchun bayramona konsert dasturini namoyish etdi. Konsertning birinchi qismi harbiy vatanparvarlik kuy va qo‘shiqlar, ko‘rgazmali chiqishlar bilan boshlandi. Tutun ortidan paydo bo‘lgan Nukus garnizoni Ma’naviyat va ma’rifat markazining harbiy orkestr jamoasi yig‘ilganlarni hayratga solgan bo‘lsa, ular tomonidan ijro etilgan milliy va jahon estradasining sho‘x navolar dillarni o‘ziga maftun etdi.
Konsert dasturi Yangi yil bayrami dasturxonini bezatish uchun savdo majmuasiga kelganlarni ham, bozor-o‘charni qilib bo‘lganlarni ham befarq qoldirmadi. Davra borgan sari kengayib, odam gavjumlashib bordi.
Faxriy qorovulning saf elementlarini mahorat bilan bajarayotganini ko‘rgan bolajonlar harakatlarni beo‘xshov qaytarishga urinishar, zavqu-shavqqa to‘lganidan yuzlaridan kulgu arimasdi.
Qo‘l jangi elementlarini namoyish etgan muddatli harbiy xizmatchilar jasurlik, mardlik va matonat timsolidek barchada esda qoldi.
Tadbir yakuniga yetay deganda odamlarni hayratga solib Yangi yil bayramining bosh qahramoni – Qorbobo kiyimlarida davraga harbiy orkestr ijodiy guruhi chiqib keldi. Yangi yil bayrami kuylari bilan hammani lol qoldirgan ijodkorlarning bu chiqishi yig‘ilganlarning bayramona kayfiyatini yanada ko‘tarilishiga xizmat qildi.
Askar bolalar tomonidan o‘zbek va qoraqalpoq tillarida o‘qilgan “Vatanga qasamyod” matni bolakaylarning ishtiyoqini uyg‘otganidan harbiy libosdagi akalari bilan bir safda turishga chorladi.
Konsert dasturi davomida qoraqalpoq xonandalari tomonidan ijro etilgan qo‘shiqlar yig‘ilganlarga zavq ulashdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
“Ot aylanib qozig‘ini topadi” deyishardi, men “qozig‘imni” topolmadim (Hayotiy hikoya)
AQSHda og‘ir-bosiqligi bilan mashhur bo‘lgan alligator o‘g‘irlab ketildi (foto)
Istanbul: rasmiylar bosh maydondagi norozilik namoyishini tarqatib yubordi
Surxondaryoda dunyodagi eng katta so‘zana tikildi
Toshkentda voyaga yetmagan qizga shilqimlik qilgan yigitga sud hukmi o‘qildi
Kanchelskis O‘zbekiston va Qozog‘iston futbolini taqqosladi: "Ular juda oldinlab ketishgan"
U-23 Osiyo kubogi. Iroq 3-o‘rinni va Parij Olimpiadasi yo‘llanmasini qo‘lga kiritdi