Qashqadaryo viloyati hokimi Zoir Mirzayev huquqshunos va bloger Xushnud Xudoyberdiyevga bergan intervyusida O‘zbekistonning birinchi Prezidenti Islom Karimov va amaldagi Prezidenti Shavkat Mirziyoyev siyosatini taqqosladi, deb yozmoqda «Gazeta.uz»ga tayanib Daryo nashri.
Hokimning so‘zlariga ko‘ra, mamlakatning birinchi Prezidenti Islom Karimov juda talabchan rahbar bo‘lgan.
Zoir Mirzayevning aytishicha, u Islom Karimov bilan ko‘p yillar ishlagan va muloqotda bo‘lgan. Birinchi Prezidentning o‘rganish mumkin bo‘lgan juda ko‘p tomonlari bo‘lgan. U juda talabchan, kadrlarni baholash nuqtai nazaridan, u odamning nigohiga qarab uning aldayotgan yoki aldamayotganini bila olgan. Muloqot vaqtida Islom Karimov nima uchun xatoga yo‘l qo‘yilganini va qayerda oqsash borligini ko‘p bor so‘ragan.
Qashqadaryo hokimining so‘zlariga ko‘ra, Shavkat Mirziyoyev joylardagi vaziyatni yaxshi biladi. Uning topshiriqlari muammoning yechimiga qaratilgan.
Shavkat Mirziyoyev siyosatining farqli jihatlaridan biri sifatida Zoir Mirzayev ochiqlikni aytib o‘tdi. Uning so‘zlariga ko‘ra, avval ham O‘zbekistonda qandaydir darajada ochiqlik va tanqid bo‘lgan, biroq hozirgi kunda bu boshqa darajada.
Zoir Mirzayev qo‘shni mamlakatlar bilan munosabatlarning yaxshilanganini ham ta’kidlab o‘tgan.
Hokimning fikricha, hokimlarda prezident bilan muloqot qilish uchun ko‘proq imkoniyatlar paydo bo‘lgan. Hokim sifatida hal qilish mumkin bo‘lmagan muammolar haqida gapirish imkoniyati yuzaga kelgan.
Xushnudbek Xudoyberdiyev Zoir Mirzayevdan hokimlarda prezident bilan bevosita aloqa bor yoki yo‘qligini so‘ragan. Bunga javoban hokim ijro organi sifatida ular avvalo Vazirlar Mahkamasiga murojaat qilishini aytgan.
Zoir Mirzayev hali Shavkat Mirziyoyevning shaxsan o‘zidan qo‘ng‘iroq bo‘lmaganini qayd etib o‘tgan. Uning so‘zlariga ko‘ra, Islom Karimov ham hech qachon unga qo‘ng‘iroq qilmagan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Pentagon Ukraina yuzasidan kutilmagan muammoga duch keldi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
AQSH Rossiyaga qarshi yangi sanksiyalar kiritdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Jasur Jaloliddinov: "Finalda kuchli jamoa yutqazdi"
Germaniyada Rheinmetall qurol kompaniyasi rahbarining dachasi yoqib yuborildi