Qashqadaryodan Toshkentga olib ketilayotgan 100 kilogramm yaroqsiz go‘sht yo‘q qilindi

Qashqadaryo viloyatidan Toshkentga olib ketilayotgan 100 kilogramm miqdordagi yaroqsiz go‘sht «Umakay» postida to‘xtatib qolindi. Bu haqda Qashqadaryo IIB axborot xizmati rahbari Iroda Rasulova xabar bermoqda.

^{Foto: Qashqadaryo IIB}
2020 yil 9 fevral tungi soat 02:30 da viloyat IIB patrul-post xizmati va jamoat tartibini saqlash boshqarmasi karantin bo‘linmasi va YPX xodimlari tomonidan «Umakay» YPX maskanida to‘xtatilgan Z.K.ning avtomobilidan hech qanday hujjatlarga ega bo‘lmagan 100 kilogramm go‘sht chiqqan.

^{Foto: Qashqadaryo IIB}
Chiroqchi tuman oziq-ovqat mahsulotlari mikrobiologiya va veterinariya-sanitariya ekspertiza laboratoriyasining ekspertiza xulosasiga asosan go‘sht mahsulotlari yaroqsiz deb topilgan va veterinariya laboratoriya xodimlari tomonidan tegishli tartibda yo‘q qilingan. “Zamin”ni Telegramʻda oʻqing!