6 753
Farg‘onada koronavirusga chalingan fuqaro Umradan qaytgach 120 kishilik marosim o‘tkazgan
Farg‘ona viloyatida Saudiya Arabistonida, Umra safarida, bo‘lib qaytgan fuqaroda koronavirus infeksiyasi aniqlangani haqida xabar berilgan edi. Keyinchalik ushbu fuqaroning turmush o‘rtog‘i, ikki farzandi va kelinida ham koronavirus aniqlangan.
Prezident Shavkat Mirziyoyev raisligida 26 mart, payshanba kuni, o‘tkazilgan koronavirus infeksiyasi tarqalishiga qarshi kurashishni kuchaytirish masalalariga bag‘ishlangan videoselektor yig‘ilishida mazkur fuqarodan virusning qanday tarqalgani tafsilotlari ma’lum qilindi.
Ta’kidlanishicha, Farg‘ona viloyati Yozyovon tumani «Beruniy» mahallasida yashovchi ayol Umradan qaytib kelib, uyda karantinda bo‘lish talablarini qo‘pol ravishda buzib, ertasi kuni 120 nafar kishini chaqirib, dabdabali marosim o‘tkazgan.
«Oqibatda uning to‘rt nafar oila a’zosi infeksiya yuqtirgani aniqlandi. Yana qancha odam kasallangani hali noma’lum», — deya Shavkat Mirziyoyevning videoselektordagi so‘zlaridan iqtibos keltirmoqda Prezident matbuot xizmati.
Ma’lumot uchun, O‘zbekistonda koronavirusga chalinish bilan bog‘liq ilk holat 15 mart kuni aniqlangan edi — bemor 11 mart kuni Fransiyadan qaytgan oliy toifali shifokor bo‘lib chiqqandi. Keyinchalik u chet eldan qaytgach, uyida 35 kishi ishtirokida marosim o‘tkazgani, oqibatda kasallik kamida 13 kishiga yuqqani ta’kidlangan edi.
So‘nggi ma’lumotlarga ko‘ra, O‘zbekistonda koronavirus infeksiyasini yuqtirib olganlar soni 65 nafarga yetgan. Prezident Shavkat Mirziyoyevning ma’lum qilishicha, ularning 11 nafari Toshkentdagi Virusologiya ilmiy-tekshirish instituti xodimlari — ushbu muassasa koronavirusga chalinganlarni davolash bo‘yicha respublikadagi bosh kasalxona bo‘lib turibdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Quddusda Turkiya fuqarosi isroillik politsiyachiga pichoq bilan hujum qildi
ISHIDga aloqadorlikda gumonlangan o‘zbekistonlik AQSHda 2 yil erkin yashagani aniqlandi
Endi maktablarda pedagogik sinflar tashkil etiladi
AQSHda og‘ir-bosiqligi bilan mashhur bo‘lgan alligator o‘g‘irlab ketildi (foto)
O‘zbekiston OTJ U-23 Osiyo kubogi "Fair Play" sovrini bilan taqdirlandi
Indoneziya ustidan irodali g‘alabani qo‘lga kiritgan Iroq Olimpiada litsenziyasiga ega chiqdi (video)
APL. “Liverpul” 6 ta gol urilgan o‘yinda “Tottenhem”ni mag‘lub etdi
Shaxmat. Nodirbek Abdusattorov "TePe Sigeman" turnirida chempion bo‘ldi