BAAdan O‘zbekistonga gumanitar yordam keldi (foto)

^{Foto: Otabek Umarov telegram kanali}
Bu haqda O‘zbekiston triatlon federatsiyasi raisi Otabek Umarov o‘zining telegramdagi kanalida ma’lum qildi.

«Birlashgan Arab Amirliklari hukumatiga pandemiyaga qarshi kurashda O‘zbekiston xalqiga ko‘rsatgan yordami uchun minnatdorlik izhor etaman!

^{Foto: Otabek Umarov telegram kanali}
Bugun 8 tonnadan ortiq gumanitar yordam maxsus reys bilan Toshkent aeroportiga olib kelindi. Tibbiy niqoblar, qo‘lqoplar, himoya kostyumlari va boshqa vositalar bizga COVID-19 hujumiga qarshi turishga yordam beradi.

^{Foto: Otabek Umarov telegram kanali}
Biz bu og‘ir damlarda yolg‘iz emasligimizni bilishdan mamnunmiz va ayniqsa mamlakatingiz old qatorlarda koronavirusga qarshi kurash olib borayotgan bir paytda bizni ham qo‘llab-quvvatlayotganingizni qadrlaymiz. Sizga egilib ta’zim qilamiz, vatandoshlarimning duolari ushbu sinov paytida sizni va yaqinlaringizni himoya qilsin!», deb yozadi Otabek Umarov.

^{Foto: Otabek Umarov telegram kanali}