Sog‘liqni saqlash vazirligi Jamoatchilik bilan aloqalar bo‘limi xabar berishicha, bugun Farg‘ona viloyatida 7 nafar, Qashqadaryo viloyatida esa 1 nafar koronavirus infeksiyasiga chalingan bemor tuzalib chiqdi. Sog‘ayganlar viloyatlar sog‘liqni saqlash boshqarmalari mas’ullari ishtirokida reabilitatsiyaga kuzatildi.
Farg‘onada sog‘ayganlarning 2 nafari erkak, 5 nafari ayol bo‘lib, 4 nafari Farg‘ona viloyatidan, 2 nafari Toshkent shahridan va 1 nafari Sirdaryo viloyatidan. Ularning 5 nafari Turkiyadan kelgan va karantinga olingan, kasallik aniqlangach shifoxonaga yotqizilgan. Qolgan 2 nafari esa koronavirus infeksiyasiga chalinganlar bilan muloqotda bo‘lib, kasallikni yuqtirib olgan. Eng yoshi kattasi 48 yoshda bo‘lsa, eng yoshi kichigi 2020 yil tug‘ilgan.
Viloyatda shu paytga qadar 52 nafar bemor sog‘aygan bo‘lsa, endilikda ular 59 nafarga yetdi.
Qashqadaryoda tuzalib chiqqan 14 yoshli bemor Chiroqchi tumanidan bo‘lib, koronavirus infeksiyasiga chalingan shaxs bilan muloqotda bo‘lib, kasallikni yuqtirib olgan.
Eslatib o‘tamiz, 30 mart kuni Qashqadaryo viloyatida koronavirusdan zararlanishning ilk holati qayd etilgan, Chiroqchi tumanida 14 yoshli bola O‘zbekistonda koronavirusning ikkinchi qurboniga aylangan amakisidan virus yuqtirib olgani ma’lum bo‘lgandi. U Qashqadaryo viloyati yuqumli kasalliklar shifoxonasiga o‘rta og‘ir darajadagi holatda yotqizilgandi.
Viloyatda shu paytga qadar 4 nafar bemor sog‘aygan bo‘lsa, endilikda ularning soni 5 nafarga yetdi.
Ayni paytda mamlakat bo‘ylab koronavirus infeksiyasidan butunlay sog‘ayganlar soni 900 nafarni tashkil etmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Putin Xitoy talabalariga qanday maslahat berdi?
Orzudagi uy — qishda issiq, yozda salqin. Bunga qanday erishish mumkin?
Ukraina prezidenti mahbuslarni safarbar qilish to‘g‘risidagi qonunni imzoladi
Mansab pillapoyalari: unga kimlar munosib?
Pnevmatik qurollarni o‘z ixtiyori bilan topshirganlar javobgarlikdan ozod etiladi
Eron prezidentini olib ketayotgan vertolyot halokatga uchradi
Messining salkam 1 million dollarga sotilgan salfetkasi haqida