3 367
«Ayb to‘liq menda, jahlimni jilovlay olmadim» – Toshkent viloyati SEOM sobiq bosh vrachi
Ijtimoiy tarmoqlarda o‘z xodimlarini kabinetiga chaqirib so‘kayotgan oq xalatli rahbarning videosi tarqaldi. Tez orada video «qahramoni» Toshkent viloyati Sanitariya-epidemiologiya osoyishtalik markazi bosh vrachi Baxtiyor Boltaboyev ekani ma’lum bo‘ldi.
Natijada Baxtiyor Boltaboyev Sanitariya-epidemiologik osoyishtalik agentlik direktori Bahodir Yusupaliyevning buyrug‘i bilan vazifasidan ozod etildi.
Toshkent viloyati hokimligi rasmiy munosabatida voqea «rahbar, tibbiyot sohasi vakili uchun sharmandali hol», deya baho berilgan.
Kun.uz muxbiri Baxtiyor Boltaboyev bilan bog‘lanib, holatga munosabat bildirishini [leech=https://zamin.uz/index.php?do=go&url=aHR0cHM6Ly9rdW4udXovbmV3cy8yMDIwLzA2LzAyL2F5Yi10b2xpcS1tZW5kYS1qYWhsaW1uaS1qaWxvdmxheS1vbG1hZGltLXRvc2hrZW50LXZpbG95YXRpLXNlb20tc29iaXEtYm9zaC12cmFjaGk%3D]izoh so‘radi[/leech].
– Baxtiyor aka, xodimlarni bu qadar uyatli so‘zlar bilan siylashingizga nima sabab bo‘ldi?
– Boshidanoq aytay, ayb to‘liq menda, jahlimni jilovlay olmaganimda va xodimlarimga nisbatan rahbar hamda insoniy jihatdan to‘g‘ri muomala qilmaganimda. Mana shu xatom tufayli sharmanda bo‘ldim.
Aynan voqea qanday yuz berganiga kelsak, hozirgi kunda pandemiya tufayli uzluksiz ishlayotganimizdan, bizning tizimimizda ish hajmi keskin oshganidan xabaringiz bor. O‘rtasaroydan [karantin hududidan] virusga oid tahlillarni olib kelib tekshirishimiz kerak edi. Bu ma’lumotlar zudlik bilan vazirlik va tegishli tashkilotlarga taqdim etilishi lozim edi. Shu narsa vaqtida bajarilmagan, xodimlar sustkashlikka yo‘l qo‘yishgan. Ruhiy va jismoniy zo‘riqish, vaziyatdan kelib chiqib jahlim chiqqani ana shu so‘zlarni ishlatishimga sabab bo‘ldi.
Yana qaytaraman, bu yerda meni oqlaydigan jihat yo‘q, holat sabablarini aytyapman.
– Holatni videoga olgan xodimingiz kimligini bildingizmi? Unga nimalar dedingiz?
– U xodim kimligini bildim, lekin hech qanday zug‘um o‘tkazmadim. 2017 yildan beri shu lavozimda ishlayman, jamoamiz nomiga dog‘ tushdi, endi buni yuvish kerak bo‘ladi.
– Kasaba uyushmasini ham «eslab» o‘tgansiz.
– Ulardan alohida uzr so‘rayman. Umuman, barcha xodimlardan, tizimimiz vakillaridan kechirim so‘rayman, bu holat boshqa qaytarilmaydi. Jazoga tayyorman, juda xunuk ish bo‘ldi...
Abror Zohidov
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
