4 130
«Sulton Tex Group» Bosh vazir o‘rinbosari O‘ktam Barnoyev va Qishloq xo‘jaligi vaziri Jamshid Xo‘jayevni sudga berdi
Qarshi tumanida paxta yetishtirish klasteri bilan shug‘ullanuvchi «Sulton Tex Group» xususiy korxonasi Bosh vazir o‘rinbosari O‘ktam Barnoyev, Qishloq xo‘jaligi vaziri Jamshid Xo‘jayev va uning birinchi o‘rinbosari Shuhrat Teshayevlar ustidan Qibray tuman ma’muriy sudiga shikoyat arizasi kiritdi.
«Sulton Tex Group» xususiy korxonasi va Qarshi tuman hokimligi o‘rtasidagi nizo hamon davom etmoqda.
Ma’lum bo‘lishicha, «Sulton Tex Group» xususiy korxonasi Qibray tuman ma’muriy sudiga Bosh vazirning agrar va oziq ovqat sohalarini rivojlantirish masalalari buyicha o‘rinbosari – Paxta-to‘qimachilik klasterlari faoliyati va salohiyatini baholash bo‘yicha Respublika Ishchi guruhi rahbari O‘ktam Barnoyev, Qishloq xo‘jaligi vaziri Jamshid Xo‘jayev hamda Qishloq xo‘jaligi vazirining birinchi o‘rinbosari Shuhrat Teshayevlarning Vazirlar Mahkamasida 2020 yil 8 aprelda o‘tkazilgan yig‘ilishga «Sulton Tex Group» xususiy korxonasining qonuniy manfaatlarini buzadigan asoslantirilmagan ma’lumot taqdim etish bilan bog‘liq va yig‘ilish bayonida korxonaga biriktirilgan paxta tozalash zavodining bino va inshootlarini qaytarish, korxonasining paxta to‘qimachilik klasteri faoliyatni to‘xtatish va o‘rnida fermer xo‘jaliklari kooperatsiyasi tashkil etish to‘g‘risida qaror qilinishi bilan bog‘liq korxonaning qonuniy manfaatlarini buzadigan harakatlarini qonunga xilof deb topish haqida shikoyat arizasi kiritgan.
Ushbu ma’lumotlarni Qibray tuman ma’muriy sudi mas’ullari tasdiqladi.
Dastlabki sud majlisi shu yilning 9 iyul kuni Qibray tuman ma’muriy sudida bo‘lib o‘tgan. Sud majlisi javobgarlarning hech biri sudda ishtirok etmagani sababli shu yilning 16 iyul kuni soat 11:00ga qoldirilgan.
«Sulton Tex Group» xususiy korxonasining Qarshi tumanida paxta to‘qimachilik ishlab chiqarish klasteri faoliyatini amalga oshirish uchun uzoq muddatli ijara shartnomasi asosida biriktirilgan 15 ming gektar ekin maydoni Bosh vazir o‘rinbosari O‘ktam Barnoyev imzolagan yig‘ilish bayoniga asosan hokimlik zaxirasiga qaytarib olingandi.
Keyinchalik, Qarshi tuman ma’muriy sudi Qarshi tuman hokimi va hokimlik mansabdor shaxslariga «Sulton Tex Group» xususiy korxonasi klaster faoliyatiga aralashish, uning 2020 yil uchun fermerlar bilan tuzgan shartnomasini bekor qilish yoki o‘zgartirishga urinishi taqiqlab qo‘yilgandi.
Hozirda sudning mazkur hal qiluv qaroriga nisbatan Qarshi tuman prokurori tomonidan protest kiritilgani va ish Qashqadaryo viloyat ma’muriy sudi apellyatsiya instansiyasida ko‘rib chiqilayotgani aytilmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Pnevmatik qurollarni o‘z ixtiyori bilan topshirganlar javobgarlikdan ozod etiladi
Messining salkam 1 million dollarga sotilgan salfetkasi haqida
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi