Kadr: YouTube
Telegram’dagi «Bakiroo» kanali muallifi, iqtisodchi Otabek Bakirov «Ular» loyihasiga bergan intervyusida Andijon viloyati hokimi Shuhrat Abdurahmonovning «andijonlik qaysi iflos menga bir so‘mini berib qo‘yyapti?» deya aytgan gaplariga o‘z munosabatini bildirdi.
Avvalroq Andijon viloyati hokimi Shuhrat Abdurahmonovning ovozi yozilgan yana bir audioyozuv internetda tarqalgandi. Unda viloyat rahbari Andijonda olib borilayotgan ishlar haqida gapirgan ba’zi kishilarni «sassiq» deb atagan. Shuningdek, audioda uning «andijonlik qaysi iflos menga bir so‘m pulini berib qo‘yyapti?» deganini, Andijon va Namanganni o‘zaro solishtirib aytgan gaplarini eshitish mumkin.
Intervyu davomida Otabek Bakirov Andijon viloyati hokimining bu turdagi gaplariga e’tiroz bildirib, u minayotgan Tahoe viloyatdagi tadbirkorlar hisobidan olinganini eslatib o‘tgan.
- "Andijon viloyati hokimining audioyozuvi tarqaldi. Viloyat hokimi tadbirkorlar to‘layotgan soliqdan Tahoe minib yuribdi, lekin o‘sha tadbirkorni «to‘ng‘iz» deb so‘kayapti. Ya’ni o‘sha tadbirkor bosh vazirga savol bilan murojaat qilmoqchi bo‘lgan, savol bilan murojaat qilmagan hali, savol bilan murojaat qilish xohishi paydo bo‘lgani uchun uni «to‘ng‘iz» deb so‘kayapti…
Sinizmning kengligini tushunyapsizmi? Aynan bu hokimni qabul qila olmaganim sababi — har ikki gapining birida «Men Andijon viloyatining uch million xalqini boqayapman» deydi. Men o‘sha hokimga kadrdan, efirdan turib gapirmoqchiman — Andijon viloyatining 3 million aholisi sizni boqayapti, siz ularni emas»", - deydi Otabek Bakirov.
Eslatib o‘tamiz, 7 noyabrda internetda Shuhrat Abdurahmonov unga «sassiq gapirgan» marhamatlik uch ayolni 15 sutkaga qamatgani haqida gapirgan audio tarqalgandi. Viloyat hokimligi matbuot xizmati bu audioyozuv ikki yil avvalgi ekanini ta’kidlagan, biroq ijtimoiy tarmoq foydalanuvchilari hokimlikning bu bayonotini shubha ostiga olib, xususan, marhamatlik ayollarning noroziligi 2020 yil oktabr oyi oxirida yuz berganini ko‘rsatib o‘tgan edi.
Oliy Majlis Qonunchilik palatasi deputati Rasul Kusherbayev muhokamalarga sabab bo‘lgan mazkur audioyozuvga munosabat bildirarkan, bu gaplar qachon aytilgani ahamiyatsiz ekanini ta’kidlab, Andijon hokimini «Lenin boshlagan boshqaruvning sodiq vorisi» deb atagandi.
Keyinroq 14 noyabrda Shuhrat Abdurahmonovning ovozi yozilgan ikkinchi audio tarqaldi. Unda hokim O‘zbekiston Savdo-sanoat palatasi raisi Adham Ikromov ishtirok etgan yig‘ilishda viloyatda mavjud kamchiliklar haqida gapirmoqchi bo‘lgan andijonlik tadbirkorlarni «shakal» deb atagani ma’lum bo‘lgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?
