Sifati kafolatlanmagan ko‘z linzalari to‘xtatib qolindi

Sifati kafolatlanmagan mahsulotlarni bojxona nazoratidan yashirgan holda noqonuniy ravishda yurtimizga olib kirish xolatlariga bojxonachilar tomonidan o‘z vaqtida chek qo‘yilmoqda.

Xususan, Navoiy xalqaro aeroportiga xorijiy aviareys bilan yuborilgan kurerlik jo‘natmalari bojxona xodimlari tomonidan xolislar ishtirokida bojxona ko‘rigidan o‘tkazildi.

Natijada bojxona nazoratidan yashirilgan va hujjatlarda ko‘rsatilmagan hamda sifati kafolatlanmagan umumiy qiymati 60,4 million so‘m bo‘lgan ko‘z linzalari borligi aniqlandi. Hozirda mazkur holat yuzasidan surishtiruv harakatlari olib borilmoqda. “Zamin”ni Telegramʻda oʻqing!