“MAN”dagi nayrang fosh bo‘ldi

Bojxona organlari tomonidan tovar moddiy boyliklarning noqonuniy harakatini oldini olish borasida tizimli ishlar amalga oshirilmoqda.
Xususan, Qoraqalpog‘iston Respublikasi bojxona boshqarmasi “Daut-ota” chegara bojxona posti xodimlari tomonidan fuqaro M.R boshqaruvidagi “MAN” rusumli yuk avtotransport vositasi bojxona ko‘rigidan o‘tkazildi.

Natijada, avtotransport vositasi kabinasiga yashirilgan 1 dona plasstmassa flakonda 50 tabletka jami 500 mg. “Baklosan 10 mg.” nomli psixotrop dori vositasi hamda yo‘l-yuk hujjatlarida ko‘rsatilmagan umumiy qiymati salkam 27 million so‘mni tashkil qiluvchi tovar-moddiy boyliklar borligi aniqlandi. Mazkur holat yuzasidan bojxona organlari tomonidan surishtiruv harakatlari olib borilmoqda. “Zamin”ni Telegramʻda oʻqing!