
Rangli metall parchalarining noqonuniy aylanmasiga qarshi bojxona organlari tomonidan tizimli ravishda kurash olib borilmoqda.
Sirdaryo viloyati bojxona boshqarmasi Kontrabandaga qarshi kurashish va bojxona auditi bo‘limi tezkor xodimlari tomonidan viloyat IIB bilan hamkorlikda Vazirlar Mahkamasining 2017 yil 18 oktyabrdagi “Rangli metall parchalari va chiqindilarini to‘plash, topshirish hamda qayta ishlash tizimini takomillashtirish chora-tadbirlari to‘g‘risida”gi 849-sonli qarori ijrosini ta’minlash maqsadida Mirzaobod tumani hududida tezkor tadbir o‘tkazildi.
Tezkor tadbir davomida, fuqaro Q.B. boshqaruvidagi “ISUZU” rusumli yuk avtomashinasi Mirzaobod tumani hududida to‘xtatilib, avtomashina yukxonasi xolislar ishtirokida ko‘zdan kechirildi.
Natijada, avtomashina yukxonasida tegishli hujjatlari bo‘lmagan, qiymati 9 million so‘mlik 1917 kg alyumin rangli metall parchalari borligi aniqlandi. Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar